Qazaqstan Respýblıkasy Ulttyq ekonomıka mınıstrliginiń buıryǵy  №175

2014 jylǵy 29 jeltoqsan,  Astana qalasy Tabıǵı monopolııalar salasyndaǵy rettelip kórsetiletin qyzmetterge (taýarlarǵa, jumystarǵa) qol jetkizýdiń teń jaǵdaılaryn usyný qaǵıdalaryn bekitý týraly «Tabıǵı monopolııalar jáne retteletin naryqtar týraly» 1998 jylǵy 9 shildedegi Qazaqstan Respýblıkasy Zańynyń 7-babynyń 3) tarmaqshasyna sáıkes buıyramyn: 1. Qosa berilip otyrǵan Tabıǵı monopolııalar salasyndaǵy rettelip kórsetiletin qyzmetterge (taýarlarǵa, jumystarǵa) qol jetkizýdiń teń jaǵdaılaryn usyný qaǵıdalary bekitilsin. 2. Qazaqstan Respýblıkasy Ulttyq ekonomıka mınıstrliginiń Tabıǵı monopolııalardy retteý jáne básekelestikti qorǵaý komıteti Qazaqstan Respýblıkasynyń zańnamasynda belgilengen tártippen: 1) osy buıryqty Qazaqstan Respýblıkasy Ádilet mınıstrliginde memlekettik tirkeýdi; 2) osy buıryqty memlekettik tirkeýden keıin kúntizbelik on kún ishinde «Ádilet» aqparattyq quqyqtyq júıesinde jáne merzimdik baspasóz basylymdarynda resmı jarııalaýdy; 3) osy buıryqty Qazaqstan Respýblıkasy Ulttyq ekonomıka mınıstrliginiń ınternet-resýrsyna ornalastyrýdy qamtamasyz etsin. 3. Osy buıryqtyń oryndalýyn baqylaý Qazaqstan Respýblıkasynyń Ulttyq ekonomıka birinshi vıse-mınıstrine júktelsin. 4. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi. Mınıstr E.DOSAEV. «KELISILDI» Qazaqstan Respýblıkasynyń Aýyl sharýashylyǵy mınıstri ______________ A.MAMYTBEKOV. 2015 jylǵy «____» __________ «KELISILDI» Qazaqstan Respýblıkasynyń Investısııalar jáne damý mınıstri ______________ Á.ISEKEShEV. 2015 jylǵy «____» __________ «KELISILDI» Qazaqstan Respýblıkasynyń Energetıka mınıstri ______________ V.ShKOLNIK. 2015 jylǵy 17 naýryz Qazaqstan Respýblıkasy Ulttyq ekonomıka mınıstriniń 2014 jylǵy 29 jeltoqsandaǵy №175 buıryǵymen bekitilgen Tabıǵı monopolııalar salasyndaǵy rettelip kórsetiletin qyzmetterge (taýarlarǵa, jumystarǵa) qol jetkizýdiń teń jaǵdaılaryn usyný qaǵıdalary 1. Jalpy erejeler 1. Osy Tabıǵı monopolııalar salasyndaǵy rettelip kórsetiletin qyzmetterge (taýarlarǵa, jumystarǵa) qol jetkizýdiń teń jaǵdaılaryn usyný qaǵıdalary (budan ári – Qaǵıdalar) 2003 jylǵy 9 shildedegi Qazaqstan Respýblıkasynyń Sý Kodeksine, 1998 jylǵy 9 shildedegi «Tabıǵı monopolııalar jáne retteletin naryqtar týraly», 2004 jylǵy 9 shildedegi «Elektr energetıkasy týraly», 2001 jylǵy 8 jeltoqsandaǵy «Temir jol kóligi týraly», 2010 jylǵy 15 shildedegi «Qazaqstan Respýblıkasynyń áýe keńistigin paıdalaný jáne avıasııa qyzmeti týraly», 2002 jylǵy 17 qańtardaǵy «Saýda maqsatynda teńizde júzý týraly» Qazaqstan Respýblıkasynyń Zańdaryna sáıkes ázirlendi jáne elektr energııasyn berý jáne (nemese) taratý, jylý energııasyn óndirý, jylý energııasyn berý jáne (nemese) taratý jáne elektr energııasyn jelige berýdi jáne tutynýdy tehnıkalyq dıspetcherlendirý, magıstraldyq temir jol jelisi, kirme joldar, áýejaılar, porttar men aeronavıgasııa, munaıdy jáne (nemese) munaı ónimderin magıstraldyq qubyrjoldary arqyly tasymaldaý, gazdy nemese gaz kondensatyn saqtaý, magıstraldyq jáne (nemese) taratýshy qubyrjoldary arqyly tasymaldaý, gaz taratýshy qondyrǵylardy jáne olarmen baılanysty gaz taratýshy gaz qubyrlaryn paıdalaný jáne sý sharýashylyǵy jáne (nemese) káriz júıeleri salasyndaǵy rettelip kórsetiletin qyzmetterdi (budan ári – qyzmetter) kórsetetin tabıǵı monopolııalar sýbektileriniń (budan ári – Sýbektiler) rettelip kórsetiletin qyzmetterine (taýarlaryna, jumystaryna) tutynýshylardyń teń qol jetkizýin qamtamasyz etetin tártipti jáne jalpy qaǵıdattaryn aıqyndaıdy. 2. Osy Qaǵıdalar Qazaqstan Respýblıkasynyń zańnamasynda belgilengen jeńildikter men basymdyqtardy eskere otyryp qyzmetterdi usyný jaǵdaılaryna qoldanylmaıdy. 3. Qaǵıdalarda mynadaı uǵymdar qoldanylady: 1) azamattyq áýe kemelerin paıdalanýshynyń sertıfıkaty – azamattyq avıasııa salasyndaǵy ýákiletti organ bergen, paıdalanýshynyń Azamattyq áýe kemelerin paıdalanýshylardy sertıfıkattaý qaǵıdalaryna jáne sertıfıkattaý talaptaryna sáıkestigin kýálandyratyn qujat; 2) azamattyq áýe kemesin memlekettik tirkeý týraly kýálik – azamattyq avıasııa salasyndaǵy ýákiletti organ bergen jáne azamattyq áýe kemesiniń Qazaqstan Respýblıkasy azamattyq áýe kemeleriniń memlekettik tizilimine engizilgenin rastaıtyn qujat; 3) azamattyq áýe kemesiniń ushýǵa jaramdylyǵynyń sertıfıkaty – azamattyq avıasııa salasyndaǵy ýákiletti organ bergen, azamattyq áýe kemesiniń ushýǵa jaramdylyǵynyń normalaryna sáıkestigin kýálandyratyn qujat; 4) baılanys operatory – Qazaqstan Respýblıkasynyń lısenzııalaý týraly zańnamalyq aktisinde belgilengen tártippen baılanys qyzmetterin kórsetýge lısenzııa alǵan jeke nemese zańdy tulǵa; 5) berboýt-charter – jolaýshylar, bagaj ben júk tasymaldaýǵa jáne saýda maqsatynda teńizde júzýdiń ózge de maqsattary úshin jalǵa keme berýshi keme jaldaýshyǵa jaraqtanbaǵan jáne ekıpajben jasaqtalmaǵan kemeni nemese birneshe kemeni ıelenýge jáne paıdalanýǵa kelisilgen aqyǵa (jaldaýǵa) belgili bir merzimge berýge mindettenetin jalǵa keme berý shartynyń túri; 6) esepke alý aspaby – rettelip kórsetiletin kommýnaldyq qyzmetterdi (taýarlardy, jumystardy) tutyný kólemin esepke alýǵa arnalǵan zańnamada belgilengen tártippen qoldanýǵa ruqsat etilgen tehnıkalyq qurylǵy; 7) kórsetiletin qyzmetterdi jetkizýshi – rettelip kórsetiletin qyzmetterge (taýarlarǵa, jumystarǵa) tutynýshylardyń teń qol jetkizýi maqsatynda elektrmen jabdyqtaý, jylýmen jabdyqtaý, gazben jabdyqtaý, sondaı-aq sýmen jabdyqtaý jáne sý burý jelilerine qosý úshin tehnıkalyq sharttar beretin tabıǵı monopolııa sýbektisi; 8) kirme joldyń shektelgen ótkizý qabileti – ýaqyt birliginde (táýlik, saǵat) naqty kirme jol arqyly onyń tehnıkalyq jaraqtanýyna qaraı ótýi múmkin vagondardyń eń joǵary sany; 9) quzyretti organ – memlekettik basqarýdyń tıisti salasyna (aıasyna) basshylyqty júzege asyratyn memlekettik organ; 10) magıstraldyq temir jol jelisiniń shektelgen ótkizý qabileti – ýaqyt birliginde (táýlik, saǵat) naqty temir jol ýchaskesi arqyly aralyq boıynsha onyń tehnıkalyq jaraqtanýyna jáne poezdar qozǵalysyn uıymdastyrýdyń qabyldanǵan tásiline qaraı ótkizilýi múmkin salmaǵy men uzyndyǵy belgilengen poezdardyń (poezd juptarynyń) eń joǵary sany; 11) О́kil – sheteldik Paıdalanýshylardyń áýe kemelerine aeronavıgasııalyq qyzmet kórsetilgeni úshin aqy tóleıtin uıymdar; 12) paıdalanýshy – azamattyq áýe kemelerin paıdalanýmen aınalysatyn nemese osy salada óz qyzmetterin usynatyn jeke nemese zańdy tulǵa; 13) rettelip kórsetiletin qyzmetter – tabıǵı monopolııa salasyndaǵy tabıǵı monopolııa sýbektisi usynatyn jáne qyzmetterdi (taýarlardy, jumystardy) tutynýshyǵa belgili bir taýar berý túrinde usyný jaǵdaılaryn qosa alǵanda, ýákiletti organnyń memlekettik retteýine jatatyn qyzmetter (taýarlar, jumystar); 14) slot – avıakompanııanyń áýe kemesiniń kelý nemese jóneltý operasııalaryn belgili bir kúni nemese kezeńde oryndaý úshin áýejaıda bólingen ýaqyt; 15) tabıǵı monopolııalar sýbektileriniń qyzmetterine qol jetkizý – tabıǵı monopolııalar sýbektileri tutynýshylarynyń tabıǵı monopolııa sýbektileriniń qyzmetterin (taýarlaryn, jumystaryn) basqa tutynýshylarǵa osyndaı qyzmetter usynylatyn jaǵdaılardan kem bolmaıtyn qolaıly jaǵdaıda paıdalaný múmkindigi; 16) tehnıkalyq sharttar – rettelip kórsetiletin qyzmetterge (taýarlarǵa, jumystarǵa) tutynýshylardyń teń qol jetkizýi maqsatynda elektrmen jabdyqtaý, jylýmen jabdyqtaý, gazben jabdyqtaý, sondaı-aq sýmen jabdyqtaý jáne sý burý jelilerine qosylý úshin qajetti tehnıkalyq talaptar; 17) tutynýshy – tabıǵı monopolııa jáne retteletin naryq sýbektileriniń rettelip kórsetiletin qyzmetterin (taýarlaryn, jumystaryn) paıdalanýshy nemese paıdalanýǵa nıettenýshi, sondaı-aq rettelip kórsetiletin qyzmetterge, (taýarlarǵa, jumystarǵa) teń qol jetkizý maqsatynda obektilerdi elektrmen jabdyqtaý, jylýmen jabdyqtaý, gazben jabdyqtaý, sýmen jabdyqtaý jáne sý burý jelilerine qosýǵa arnalǵan tehnıkalyq sharttardy alýǵa nıettenýshi jeke nemese zańdy tulǵa; 18) ýákiletti organ – tabıǵı monopolııalar salala­ryndaǵy jáne retteletin naryqtardaǵy basshylyqty júzege asyratyn memlekettik organ; 19) ýákiletti organnyń vedomstvosy – tabıǵı monopo­lııalar salalaryndaǵy jáne retteletin naryqtardaǵy basshylyqty júzege asyratyn memlekettik organnyń vedomstvosy; 20) Aeronautical Information Circular – Aeronavıgasııalyq aqparat bıýlleteni – aeronavıgasııalyq aqparat sırkýlıary (budan ári – AIC); 21) Aeronautical Information Publication – Aeronavı­gasııalyq Aqparat Jınaǵy – Qazaqstan Respýblıkasynyń aeronavıgasııalyq aqparat jınaǵy (budan ári – AIR); 22) NOtice To AirMen (budan ári – NOTAM) – kez kelgen aeronavıgasııalyq jabdyqty paıdalanýǵa engizý nemese onyń (nemese onyń jumys reglamentiniń) ózgerýi, ushýlarǵa qyzmet kórsetý men olardyń qaǵıdalary týraly aqparatty qamtıtyn habarlama; nemese qaýip týraly aqparat, ol týraly eskertý ushýlardyń qaýipsizdigi úshin mańyzdy oryn alady. Osy Qaǵıdalarda paıdalanylatyn ózge de uǵymdar Qazaqstan Respýblıkasynyń qoldanystaǵy zańnamasyna sáıkes qoldanylady. 4. Tutynýshy rettelip kórsetiletin qyzmetterge qol jetkizý úshin Sýbektige jazbasha ótinish (ótinim, aryz) joldaıdy. 5. Tutynýshy rettelip kórsetiletin qyzmetterge qol jetkizý úshin Sýbektige jazbasha ótinish (ótinim, aryzyn) málimdelgen kólemderge ne qyzmetter tutynýdyń basqa da sharttaryna qaramastan teń sharttarmen qabyldaıdy. 6. Tutynýshynyń ótinishi (ótinimi, aryzy) qujattardy alǵan kúnnen bastap 10 jumys kúni ishinde qaralady. Kórsetilgen merzimde tabıǵı monopolııalar sýbektisi tutynýshyǵa rettelip kórsetiletin qyzmetterge qol jetkizý usynylatyny ne rettelip kórsetiletin qyzmetterge qol jetkizý usynýdan bas tartylǵany týraly jaýapty dáleldi qorytyndyny qosa bere otyryp jiberedi. 7. Tutynýshylardyń osy Qaǵıdalarda aıqyndalǵan sharttardy saqtaýy sýbektiler men tutynýshylardyń arasynda «Tabıǵı monopolııalar jáne retteletin naryqtar týraly» 1998 jylǵy 9 shildedegi Qazaqstan Respýblıkasynyń Zańynyń 14 baby 1-tarmaǵynyń 1) tarmaqshasyna sáıkes ázirlengen úlgi sharttarǵa sáıkes qyzmetter kórsetý sharttaryn jasasý úshin negiz bolyp tabylady. 8. Rettelip kórsetiletin qyzmetterdi kórsetetin sýbekt tutynýshy ótinish jasaǵan kezde rettelip kórsetiletin qyzmettiń quny jáne oǵan qol jetkizý tártibi týraly aqparat usynady. 9. Rettelip kórsetiletin qyzmetter (taýarlar, jumystar) Sýbektimen shart jasasqan barlyq tutyný­shylarǵa Qazaqstan Respýblıkasynyń zańnamasynda belgilengen olardyń sapasyna qoıylatyn talaptarǵa sáıkes usynylady. 10. Tabıǵı monopolııa sýbektileriniń rettelip kórsetiletin qyzmetterine (taýarlaryna, jumystaryna) teń qol jetkizýdi usyný sheńberinde obektilerdi elektrmen jabdyqtaý, jylýmen jabdyqtaý, gazben jabdyqtaý, sondaı-aq sýmen jabdyqtaý jáne sý burý jelilerine qosýǵa tehnıkalyq sharttardy berý kezinde elektrmen jabdyqtaý, jylýmen jabdyqtaý, gazben jabdyqtaý, sondaı-aq sýmen jabdyqtaý jáne sý burý qyzmetterin kórsetetin tabıǵı monopolııa sýbektisi: 1) qosymsha talaptar qoıý múmkindigin bolǵyzbaı, tehnıkalyq sharttardyń naqty tizbesin belgileıdi; 2) obektilerdi elektrmen jabdyqtaý, jylýmen jabdyqtaý, gazben jabdyqtaý, sondaı-aq sýmen jabdyqtaý jáne sý burý jelilerine qosýǵa jazbasha ótinishti (ótinimdi, aryzdy) qaraý kezinde tutynýshydan qosymsha materıaldar men aqparat suratpaıdy. 2. Rettelip kórsetiletin qyzmetterge teń qol jetkizýdi usyný sharttary 11. Qyzmetterge teń qol jetkizýdi qamtamasyz etý mynadaı sharttarǵa súıene otyryp júzege asyrylady: 1) osy Qaǵıdalarda aıqyndalǵan sharttardy saqtaý kezinde barlyq tutynýshylar úshin qyzmetterge teń qol jetkizý; 2) qyzmetterdiń barlyq tutynýshylaryna qatysty biryńǵaı tarıf saıasatyn júrgizý; 3) qyzmetter tizbesiniń, qyzmetterge arnalǵan tarıfterdiń aqparattyq ashyqtyǵy. 12. Tutynýshylardyń elektr qondyrǵylaryn energııa berýshi (energııa óndirýshi) uıymnyń jelilerine qosýǵa arnalǵan tehnıkalyq sharttar: 1) jańadan engiziletin elektr qondyrǵylary energııa berýshi uıymnyń jelilerine qosylǵan; 2) obekt tutynatyn sharttyq elektr qýaty ulǵaıǵan; 3) elektrmen jabdyqtaý senimdiligi boıynsha paıda­lanýshylardyń sanaty ózgertilgen jaǵdaılarda beriledi. 13. Tutynýshylardyń obektilerin energııa berýshi (energııa óndirýshi) uıymnyń jylý jelilerine qosýǵa arnalǵan tehnıkalyq sharttar: 1) jylý jelilerine jańadan paıdalanýǵa beriletin obektiler qosylǵan; 2) tutynýshynyń jylý tutynatyn qondyrǵylaryn rekonstrýksııalaýǵa nemese keńeıtýge baılanysty tutynylatyn energııa mólsheri nemese jylý tasyǵyshtyń parametrleri tehnıkalyq sharttarda jáne sharttyń talaptarynda belgilengennen joǵarylap ózgergen; 3) jylý júıelerine buryn qosylmaǵan obektiler qosylǵan jaǵdaılarda beriledi. 14. Gazben jabdyqtaý jelilerine qosylýǵa arnalǵan tehnıkalyq sharttar: 1) gazben jabdyqtaý júıelerine qosylatyn jańa obektiler jobalanǵan jáne olar keıinnen salynǵan; 2) qoldanystaǵy gazben jabdyqtaý júıelerinen tutynylatyn qyzmetterdiń kólemi ulǵaıǵan; 3) eger bul tutynylatyn qyzmetterdiń kólemi men sıpattamalaryn ózgertýge ákeletin bolsa, obekti rekon­strýksııalanǵan jáne/nemese qaıta beıimdelgen jaǵdaılarda beriledi. 15. Kórsetiletin qyzmetterdi jetkizýshi eldi mekenniń sýmen jabdyqtaý jáne sý burý jelileri qurylystary ónimdiliginiń qory men ótkizý qabileti jetkilikti bolǵan kezde obektilerdi qosýǵa nemese sýmen jabdyqtaý jáne sý burý ınjenerlik jelilerin damytýǵa arnalǵan tehnıkalyq sharttardy: 1) eldi mekenderdiń sýmen jabdyqtaý jáne/nemese sý burý jelilerine qosylatyn jańa obektiler jobalanǵan jáne keıinnen salynǵan; 2) sý tutyný jáne/nemese eldi mekenniń qoldanystaǵy sý burý jelisine sarqyndy sýlardy aǵyzý kólemderi ulǵaıǵan; 3) eldi mekenderdiń sý burý júıelerine aǵyzylatyn sarqyndy sýlardyń lastaný konsentrasııasy ulǵaıǵan; 4) eger bul sýmen jabdyqtaýdyń jáne/nemese sý burýdyń tutynylatyn qyzmetteriniń kólemi men sıpattamalaryn ózgertýge ákeletin bolsa, obekti rekonstrýksııalanǵan jáne/nemese qaıta beıimdelgen; 5) sýmen jabdyqtaý jáne sý burý jelilerine buryn qosylmaǵan obektiler qosylǵan jaǵdaılarda beredi. 3. Elektr jelilerine qosylý úshin tehnıkalyq sharttardy bergen kezde rettelip kórsetiletin qyzmetterge teń qol jetkizýdi uıymdastyrý rásimi 16. Elektr jelilerine qosylý úshin tehnıkalyq sharttardy bergen kezde rettelip kórsetiletin qyzmetterge teń qol jetkizýdi uıymdastyrý Normatıvtik quqyqtyq aktilerdi memlekettik tirkeý tiziliminde № 10403 tirkelgen, Qazaqstan Respýblıkasy Energetıka mınıstriniń 2015 jylǵy 25 aqpandaǵy № 143 buıryǵymen bekitilgen Elektr energııasyn paıdalaný qaǵıdalaryna sáıkes júzege asyrylady. 4. Jylý jelilerine qosylý úshin tehnıkalyq sharttardy bergen kezde rettelip kórsetiletin qyzmetterge teń qol jetkizýin uıymdastyrý rásimi 17. Jylý jelilerine qosylý úshin tehnıkalyq sharttardy bergen kezde rettelip kórsetiletin qyzmetterge teń qol jetkizýdi uıymdastyrý Normatıvtik quqyqtyq aktilerdi memlekettik tirkeý tiziliminde № 10234 tirkelgen, Qazaqstan Respýblıkasy Energetıka mınıstriniń 2014 jylǵy 18 jeltoqsandaǵy № 211 buıryǵymen bekitilgen Jylý energııasyn paıdalaný qaǵıdalaryna sáıkes júzege asyrylady. 5. Qyzmetin elektr energııasynyń kóterme saýda naryǵynda júzege asyratyn Sýbektiniń elektr energııasyn berý jáne (nemese) taratý salasyndaǵy qyzmetterine qol jetkizýdiń teń jaǵdaılaryn uıymdastyrý tártibi 18. Qyzmetin elektr energııasynyń kóterme saýda naryǵynda júzege asyratyn Sýbektiniń elektr energııasyn berý jáne (nemese) taratý salasyndaǵy qyzmetterine qol jetkizýdiń teń jaǵdaılaryn uıymdastyrý Normatıvtik quqyqtyq aktilerdi memlekettik tirkeý tiziliminde № 10531 tirkelgen, Qazaqstan Respýblıkasy Energetıka mınıstriniń 2015 jylǵy 20 aqpandaǵy № 106 buıryǵymen bekitilgen Elektr energııasynyń kóterme naryǵyn uıymdastyrý men onyń jumys isteý qaǵıdalaryna sáıkes júzege asyrylady. 6. Qyzmetin elektr energııasynyń bólshek saýda naryǵynda júzege asyratyn Sýbektiniń elektr energııasyn berý jáne (nemese) taratý salasyndaǵy qyzmetterine qol jetkizýdiń teń jaǵdaılaryn uıymdastyrý tártibi 19. Qyzmetin elektr energııasynyń bólshek saýda naryǵynda júzege asyratyn Sýbektiniń elektr energııasyn berý jáne (nemese) taratý salasyndaǵy qyzmetterine qol jetkizýdiń teń jaǵdaılaryn uıymdastyrý Normatıvtik quqyqtyq aktilerdi memlekettik tirkeý tiziliminde № 10533 tirkelgen, Qazaqstan Respýblıkasy Energetıka mınıstriniń 2015 jylǵy 20 aqpandaǵy № 111 buıryǵymen bekitilgen Elektr energııasynyń bólshek naryǵyn uıymdastyrý men onyń jumys isteý qaǵıdalaryna sáıkes júzege asyrylady. 7. Jylý energııasyn óndirý salasyndaǵy qyzmetterge qol jetkizýdiń teń jaǵdaılaryn uıymdastyrý tártibi 20. Jylý energııasyn óndirý jónindegi Sýbektiniń qyzmetterin tutynýshylar: 1) Sýbektiniń jylý kózine jalǵanǵan jeke menshik jelileri bar jylý energııasyn tutynýshylar; 2) energııa berýshi uıymnyń jelilerine qosylǵan jylý energııasyn tutynýshylar; 3) jylý energııasyn berýdi jáne (nemese) taratýdy júzege asyratyn energııa berýshi uıymdar; 4) jylý energııasyn satyp alýdy - satýdy júzege asyratyn energııamen jabdyqtaýshy uıymdar bolyp tabylady. 21. Sýbekt óziniń qyzmetterine tutynýshylardyń kedergisiz jáne kemsitýsiz qol jetkizýin: 1) Sýbektiniń jylý energetıkasy obektilerine belgilengen tártippen jalǵanǵan jylý jelileri men jylý paıdalanatyn qondyrǵylary; 2) esep aıyrysatyn esepke alý aspaptary bolǵan jaǵdaıda qamtamasyz etedi. 22. Sýbektiniń jylý kózine jalǵaný jáne qyzmetter kórsetý shartyn jasasý kezinde qyzmetterdiń kez kelgen tutynýshysyna shartta aıqyndalǵan jylý energııasyn eń joǵary saǵattyq júkteme jáne tutynylatyn jylý energııasy sanynyń sheginde jylý energııasyn alý quqyǵy bekitiledi, bul rette jylý energııasynyń sapasy men parametrleri normatıvtik-tehnıkalyq talaptarǵa sáıkes kelýge tıis. 23 Qyzmetterdi tutynýshylarǵa alynǵan tehnıkalyq sharttarda belgilengen jobalyq shamadan asatyn jylý energııasynyń tutynylatyn júktemesi men sanyn ulǵaıtqan jaǵdaıda, Sýbekt Qazaqstan Respýblıkasynyń zańnamasynda belgilengen tártippen osy tutynýshyǵa tehnıkalyq múmkindik bolǵan kezde qosymsha qýattardy jalǵaýǵa tehnıkalyq sharttar beredi. 8. Jylý energııasyn berý jáne (nemese) taratý salasyndaǵy qyzmetterge qol jetkizýdiń teń jaǵdaılaryn uıymdastyrý tártibi 24. Sýbektiniń jylý energııasyn berý jáne (nemese) taratý qyzmetterin tutynýshylar: 1) Sýbektiniń jelilerine jalǵanǵan jeke menshik jelileri bar jylý energııasyn tutynýshylar; 2) energııamen jabdyqtaýshy uıymdar (budan ári – EJU) bolyp tabylady. 25. Sýbekt óziniń qyzmetterine Sýbektiniń jelilerine jalǵanǵan jeke menshik jelileri bar jylý energııasyn tutynýshylardyń kedergisiz jáne kemsitýsiz qol jetkizýin: 1) Sýbektiniń jylý jelilerine jalǵanǵan jylý paıdalanýshy qondyrǵylary; 2) esep aıyrysatyn esepke alý aspaptary bolǵan jaǵdaıda qamtamasyz etedi. 26. Sýbekt óziniń qyzmetterine EJU-nyń kedergisiz jáne kemsitýsiz qol jetkizýin: 1) jylý jelileriniń teńgerimdik tıesililiginiń shekarasy jáne taraptardyń paıdalaný jaýapkershiligi aıqyndalatyn EJU-nyń tutynýshylarymen jylýmen jabdyqtaý sharty; 2) EJU tutynýshylarynda Sýbektiniń jylý jelilerine belgilengen tártippen jalǵanǵan jelileri jáne (nemese) jylý paıdalanýshy qondyrǵylary; 3) EJU tutynýshylarynda esep aıyrysatyn esepke alý aspaptary bolǵan jaǵdaıda qamtamasyz etedi. 27. Sýbektiniń jylý jelisine jalǵaný jáne qyzmetter kórsetý shartyn jasasý kezinde qyzmetterdiń kez kelgen tutynýshysyna shartta aıqyndalǵan jylý energııasyn eń joǵary saǵattyq júkteme jáne tutynylatyn jylý energııasy sanynyń sheginde jylý energııasyn alý quqyǵy bekitiledi, bul rette jylý energııasynyń sapasy men parametrleri normatıvtik-tehnıkalyq talaptarǵa sáıkes kelýge tıis. 28. Qyzmetterdi tutynýshylarǵa alynǵan tehnıkalyq sharttarda belgilengen jobalyq shamadan asatyn jylý energııasynyń tutynylatyn júktemesi men sanyn ulǵaıtqan jaǵdaıda, Sýbekt Qazaqstan Respýblıkasynyń zańnamasynda belgilengen tártippen osy tutynýshyǵa tehnıkalyq múmkindik bolǵan kezde qosymsha qýattardy jalǵaýǵa tehnıkalyq sharttar beredi. 9. Elektr energııasyn jelige berýdi jáne tutynýdy tehnıkalyq dıspetcherlendirý, elektr energııasyn óndirý-tutyný teńgerimin uıymdastyrý salasyndaǵy qyzmetterge qol jetkizýdiń teń jaǵdaılaryn uıymdastyrý tártibi 29. Sýbektiniń elektr energııasyn jelige berýdi jáne tutynýdy tehnıkalyq dıspetcherlendirý qyzmetterin tutynýshylar: 1) elektr energııasyn jeliniń tıesililigine qaramastan barlyq klastaǵy kerneý jelilerine bosatýdy júzege asyratyn energııa óndirýshi uıymdar; 2) elektr energııasyn jeliniń tıesililigine qaramastan kerneýlerdiń barlyq klastaǵy jelileri arqyly ımporttaýshy tutynýshylar bolyp tabylady. 30. Sýbekt elektr energııasyn jelige berýdi jáne tutynýdy tehnıkalyq dıspetcherlendirý qyzmetterine osy Qaǵıdalardyń 29-tarmaǵynda kórsetilgen tutynýshy­lardyń kedergisiz jáne kemsitýsiz qol jetkizýin: 1) ulttyq jáne (nemese) óńirlik elektr jelisine qol jetkizýi; 2) elektr energııasyn kommersııalyq esepke alý júıeleri; 3) energııa óndirýshi uıymdar úshin Sýbektiniń telekommýnıkasııa, baılanys júıelerimen jáne jedel-aqparattyq keshenimen biryńǵaılanǵan Sýbektiniń dıspetcherlik ortalyqtarymen telekommýnıkasııa jáne baılanys júıelerimen jaraqtalǵan jumys isteıtin dıspetcherlik pýnkti jáne dıspetcherlik basqarýdyń jedel-aqparattyq kesheni; 4) tutynýshylar úshin Sýbektiniń dıspetcherlik ortalyqtarymen baılanys quraldarymen jaraqtalǵan dıspetcherlik pýnktter nemese osyndaı ókilettikterdi basqa dıspetcherlik ortalyqqa berý týraly qujat bolǵan jaǵdaıda qamtamasyz etedi. 31. Elektr energııasyn óndirý-tutyný teńgerimin uıymdastyrý jónindegi sýbektiniń qyzmetin tutyný­shylar: 1) energııa óndirýshi uıymdar, onyń ishinde óndiris kesheniniń quramyna kiretinder; 2) energııa berýshi uıymdar; 3) energııamen jabdyqtaýshy uıymdar; 4) elektr energııasynyń kóterme naryǵynyń tutynýshylary bolyp tabylady. 32. Sýbekt osy Qaǵıdalardyń 31-tarmaǵynda kórse­tilgen tutynýshylardyń elektr energııasyn óndirý-tutyný teńgerimin uıymdastyrý salasyndaǵy qyzmetterge kedergisiz jáne kemsitýsiz qol jetkizýin qamtamasyz etedi. 10. Magıstraldyq temir jol jelisi salasyndaǵy qyzmetterge qol jetkizýdiń teń jaǵdaılaryn uıymdastyrý tártibi 33. Rettelip kórsetiletin qyzmetterge qol jetkizý jáne magıstraldyq temir jol jelisin paıdalaný shartyn jasasý úshin tutynýshylar Sýbektige belgilengen nysanda jáne merzimde ótinish, sondaı-aq «Temirjol kóligi týraly» 2001 jylǵy 8 jeltoqsandaǵy Qazaqstan Respýblıkasy Zańynyń 14 baby 2-tarmaǵynyń 34-10) tarmaqshasyna sáıkes bekitilgen Magıstraldyq temir jol jelisin paıdalaný erejesine (budan ári – Magıstraldyq temir jol jelisin paıdalaný erejesi) sáıkes qujattar joldaıdy. 34. Sýbekt ótinishterdi magıstraldyq temir jol jelisiniń qyzmetterin tutynýshylar usynǵan ótinishterdi tirkeý tiziliminde túsken kúni men ýaqytyn, sondaı-aq tirkeý nómirin kórsete otyryp, túsken kúni tirkeıdi. О́tinishti qaraý merzimi men tártibi de Magıstraldyq temir jol jelisin paıdalaný erejesinde reglamenttelgen. 35. Tirkeýden bas tartýǵa, ótinishterdiń túsken kúni men ýaqytyn, sondaı-aq olardy tirkeý nómirlerin burmalaýǵa jol berilmeıdi. 36. Operator magıstraldyq jelide ortalyqtan basqarýdy jáne tasymaldaý prosesin uıymdastyrýdy jolaýshylar men júk poezdary qozǵalysy kestesiniń negizinde júzege asyrady. Poezdar qozǵalysy kestesin ázirleý kezinde Magıstraldyq temir jol jelisin paıdalaný erejesine sáıkes kezektilik saqtalady. 37. Tasymaldaýshynyń poezdar qozǵalysynyń naqty bir baǵytynda magıstraldyq temir jol jelisin onyń ótkizý qabiletiniń shektelýine baılanysty paıdalanýǵa berý múmkindigi bolmaǵan jaǵdaıda, eger Qazaqstan Respýblıkasynyń zańnamasynda ózgeshe kózdelmese, tasymaldaý Magıstraldyq temir jol jelisin paıdalaný erejesinde kózdelgen kezektilikpen júzege asyrylady. 38. Sýbekt halyqaralyq sharttarda kózdelgen jaǵdaılardy qospaǵanda, magıstraldyq temir jol jelisiniń qyzmetterine tasymaldaýdy júzege asyrý kezinde Qazaqstan Respýblıkasynyń rezıdentteri emes tutynýshylardyń óz memleketiniń rezıdent tutynýshylarynan kem bolmaıtyn qolaıly jaǵdaılarda teń qol jetkizýin qamtamasyz etedi. 11. Konsessııa sharttary boıynsha temir jol kóligi obektileri bar temir jol qyzmetterine qol jetkizýdiń teń jaǵdaılaryn uıymdastyrý tártibi 39. Tasymaldaýshylarǵa konsessııa sharttary boıynsha temir jol kóligi obektileri bar temir joldarǵa qol jetkizýdi usynýǵa Magıstraldyq temir jol jelisin paıdalaný qaǵıdalaryna jáne ózge de normatıvtik quqyqtyq aktilerge sáıkes taraptardyń negizgi sharttary, quqyqtary jáne mindetteri aıqyndalatyn magıstraldyq temir jol jelileriniń operatory men tasymaldaýshy(lar) arasynda jasalǵan magıstraldyq jelini paıdalaný sharty negiz bolyp tabylady. 40. Tasymaldaýshylardyń konsessııa sharttary boıynsha temir jol kóligi obektileri bar temir joldardy Magıstraldyq jelini paıdalaný shartyn jasamastan paıdalanýyna jol berilmeıdi. 41. Konsessııa sharttary boıynsha temir jol kóligi obektileri bar temir joldarǵa qol jetkizý konsessııa shartyn iske asyrý úshin olardyń ózara is-qımyldaryn reglamentteıtin magıstraldyq temir jol jelileriniń operatory men konsessıoner arasyndaǵy jasalǵan shartty eskere otyryp tasymaldaýshylarǵa usynylady. 12. Kirme joldar salasyndaǵy qyzmetterge qol jetkizýdiń teń jaǵdaılaryn uıymdastyrý tártibi 42. Tutynýshylar qozǵalystyń, tehnıkalyq qural­dardyń jáne jyljymaly quramnyń qaýipsizdigi qam­tamasyz etilgen jaǵdaıda kirme joldardyń qyzmet­terin «Tabıǵı monopolııalar jáne retteletin naryqtar týraly» 1998 jylǵy 9 shildedegi Qazaqstan Respýblıkasynyń Zańynyń 14 baby 1-tarmaǵynyń 1) tarmaqshasyna sáıkes bekitilgen úlgi sharttyń negizinde paıdalanady. 43. Tutynýshylar kirme joldardyń qyzmetterin paıdalaný quqyǵyn alý úshin Sýbektige eki danada jazbasha ótinish joldaıdy. Sýbekt ótinishti túsken kúni men ýaqytyn kórsete otyryp tirkeıdi, bul rette tirkelgen ótinishtiń bir danasy tutynýshyǵa beriledi. 44. Sýbekt kirme joldar salasyndaǵy rettelip kórsetiletin qyzmetterdi tutynýshylardyń ótinishterin tirkeý jýrnalyn júrgizedi, ol nómirlenýi jáne tigilýi tıis. Kirme joldar salasyndaǵy rettelip kórsetiletin qyzmetterdi (taýarlardy, jumystardy) tutynýshylardyń ótinishterin tirkeý jýrnalynda ótinish túsken kúni men ýaqyty, sondaı-aq tirkeý nómiri tirkeledi. 45. Tirkeýden bas tartýǵa, ótinishterdiń túsken kúni men ýaqytyn, sondaı-aq olardyń tirkeý nómirlerin burmalaýǵa jol berilmeıdi. 46. Sýbekt ótinishterdi qaraýdy olardyń túsý kezek­tiligine sáıkes keletin rettilikpen 5 saǵattyń ishinde júrgizedi. 47. Bir kúnde birneshe ótinishter túsken kezde, olardy bir mezgilde qanaǵattandyrý kirme joldyń ótkizý qabiletimen shektelgen jaǵdaıda, kirme joldar salasyndaǵy rettelip kórsetiletin qyzmetterdi (taýarlardy, jumystardy) kórsetý kirme joldyń tehnıkalyq jáne tehnologııalyq múmkindigine qaraı málimdelgen kólemge tepe-teń ortasha ólshengen qaǵıdat boıynsha tutynýshyny ótinish túsken kezden bastap 7 saǵat ishinde jazbasha habardar ete otyryp júzege asyrylady. 48. Tutynýshy kirme joldar qyzmetterinen bas tartqan jaǵdaıda, Sýbekt kirme joldar qyzmetterin ótinish bergen kezektiligi boıynsha kelesi tutynýshyǵa usynady. 13. Áýejaılardyń qyzmetterine teń qol jetkizýdi uıymdastyrý tártibi 49. Slottardy bólý áýeaılaq aýmaǵynda ushýlardy, ushý-qoný jolaǵyndaǵy qozǵalystardy qaýipsiz oryndaýdy, áýe kemelerine tehnıkalyq qyzmet kórsetýdi qamtamasyz etýdi jáne áýejaıda jolaýshylarǵa qyz­met kórsetýdi josparlaý sharttaryna súıene otyryp júrgiziledi. 50. Tutynýshylar slottardy (olardyń ózgerisin) ushý, qoný Sýbektisimen tutynýshyǵa slottardy kelisýge jazbasha nysanda ótinim (budan ári – ótinim) jiberý jolymen kelisedi. 51. О́tinimde mynadaı málimetter beriledi: 1) reısti oryndaý maýsymy; 2) avıakompanııa kody; 3) reıs nómiri; 4) oryndaý kúnderi; 5) áýe kemeleriniń úlgileri; 6) oryndyqtar sany; 7) baǵyty; 8) reıs úlgisi; 9) áýe kemesiniń biliktilik nómirin qosa alǵanda, áýe kemesiniń tehnıkalyq sıpattamalary. 52. Sýbekt slottardy kelisý ótinimderiniń tizilimin (budan ári - Tizilim) Normatıvtik quqyqtyq aktilerdi memlekettik tirkeý tiziliminde № 6668 tirkelgen, Qazaqstan Respýblıkasy Kólik jáne kommýnıkasııa mınıstriniń 2010 jylǵy 11 qarashadaǵy №520 buıryǵymen bekitilgen Qazaqstan Respýblıkasynyń áýejaılarynda áýe kemelerine qyzmet kórsetý úshin ýaqytsha ıntervaldardy bólý qaǵıdalaryna sáıkes júrgizedi. Tizilimde ótinimniń túsken kúni men ýaqyty, sondaı-aq onyń tirkeý nómiri tirkeledi. Tirkeýden bas tartýǵa, ótinimde kórsetilgen derekterdi jáne ótinimniń tirkeý nómirin burmalaýǵa jol berilmeıdi. 53. Tizilimde tirkelgen ótinimder týraly aqparat barlyq tutynýshylarǵa qol jetimdi bolýy tıis. Tizilimde qamtylǵan málimetter Internet jelisinde áýejaıdyń resmı saıtynda ornalasady jáne kún saıyn (jumys kúnderi) jańartylýy tıis. Tutynýshynyń jazbasha suraýy boıynsha Tizilimde qamtylǵan málimetterdi Sýbekt ótinish kelgen kúni beredi. 54. Sýbekt ótinimdi qarap, tutynýshyǵa jaýapty ony alǵan kúninen bastap 3 jumys kúniniń ishinde joldaıdy. 55. Reıs parametrleri, ótkizý qabiletiniń normatıvteri jáne áýejaı jumysynyń shekteýleri ózgergen kezde, sondaı-aq slottardy tutynýshynyń barlyq ótinimderin qanaǵattandyratyndaı bólý múmkindigi bolmaǵan jaǵdaıda, artyqshylyq jolaýshylardyń turaqty reısterine beriledi jáne áýe jelileri boıynsha mynadaı basymdyq belgilenedi: 1) halyqaralyq; 4) ishki charterlik; 2) ishki; 5) júk. 3) halyqaralyq charterlik; 56. Basymdyǵy boıynsha birdeı jáne áýejaıdyń tehnıkalyq múmkindiginiń shektelýinen bir merzimde qanaǵattandyrý múmkin emes slottardy bólýdi kózdeıtin birneshe ótinimder bolǵan kezde Sýbekt ótinimderdi qaraý men rastaýdy Tizilimde tirkelgen ótinimderdi berý kezektiligin eskere otyryp júzege asyrady. 57. Áýejaılardyń rettelip kórsetiletin qyzmetterine qol jetkizý maqsatynda áýejaılar salasyndaǵy Sýbektilermen shart jasasý úshin tutynýshylar: 1) tutynýshy (paıdalanýshy) sertıfıkatyn; 2) azamattyq kemeni memlekettik tirkeý týraly kýálikti; 3) áýe kemeleriniń barlyq úlgileri boıynsha ushý jaramdylyǵy sertıfıkattaryn usynady. 58. Sheteldik áýe tasymaldaýshylary Qazaq­stan Respýblıkasynyń aýmaǵynda Qazaqstan Respýblıka­synyń zańnamasyna jáne Qazaqstan Respýblıkasy qatysýshy bolyp tabylatyn halyqaralyq sharttarǵa sáıkes júzege asyrady. 14. Teńiz porttary salasyndaǵy qyzmetterge teń qol jetkizýdi uıymdastyrý tártibi 59. Porttar salasyndaǵy rettelip kórsetiletin qyzmetter Qazaqstan Respýblıkasynyń Memlekettik Týynyń astynda júzetin kemelerge jáne shetel keme­lerine kórsetiledi. 60. Kemelerge qyzmet kórsetý myna kezektilikpen júrgiziledi: 1) avarııalyq kemeler, kómek kórsetýge kele jatqan kemeler jáne bortynda aýyr naýqasty adam bar kemeler; 2) shekara áskerleriniń teńiz bólimderiniń korablderi men kemeleri; 3) keste boıynsha júretin paromdar men jolaýshy kemeleri; 4) gaz tasýshy kemeler; 5) tez búlinetin júkter men balyq ónimderi tıelgen kemeler; 6) qaýipti júkteri bar kemeler; 7) jelilik kemeler; 8) ótinimder túsken ýaqytqa sáıkes basqa da kemeler. 61. Mejeli portqa kemeniń jaqyndaýy týraly aqparatty keme kapıtany Qazaqstan Respýblıkasynyń teńiz portyna kele jatqan kezde port dıspetcherine, port kapıtanyna jáne qajet bolǵan jaǵdaıda basqa da mekenjaılarǵa beredi. 62. Jaqyndaý týraly aqparat 48 saǵat buryn, ekinshi ret – 24 saǵat buryn habarlanady jáne kelgenge deıin 4 saǵat buryn naqtylanady. О́tý uzaqtyǵy 48 saǵattan kem bolǵan kezde keme jóneltý portynan shyqqannan keıin 2 saǵat sheginde. Balyq aýlaý kásipshiligi flotynyń kapıtandary kásipten shyǵý ýaqytyn, sondaı-aq portqa jaqyndaý ýaqytyn 48 saǵattan keshiktirmeı habarlaıdy. 63. Kemeniń portqa kelýi Teńiz port ákimshiliginde shekara, keden, sanıtarlyq jáne karantındik talaptar saqtala otyryp, kelgen sátten bastap 24 saǵat ishinde resimdeledi. Kemeniń kelýi Jalpy deklarasııany, kemelik róldi jáne jolaýshylar tizimin usyný boıynsha resimdeledi. 64. Kemeniń reıske shyǵýyn resimdeýdi Porttyń teńiz ákimshiligi júzege asyrady. Resimdeý kemeniń tehnıkalyq jáne teńizde júzýiniń qanaǵattanarlyq jaǵdaıyn rastaıtyn, ýákiletti organ nemese basqa toptastyrǵysh qoǵam bergen tıisti keme qujattary bolǵan kezde, sondaı-aq órt kúzeti jáne sanıtarlyq-karantındik baqylaý tarapynan kedergiler bolmaǵan jaǵdaıda júrgiziledi. Kemeniń teńizge shyǵýǵa daıyndyǵyn Porttyń teńiz ákimshiligi tekseredi. 15. Aeronavıgasııa qyzmetterine teń qol jetkizýdi uıymdastyrý tártibi 65. Aeronavıgasııanyń rettelip kórsetiletin qyzmetterine qol jetkizý maqsatynda aeronavıgasııa salasyndaǵy Sýbektilermen shart jasasý úshin tutynýshylar aeronavıgasııa salasyndaǵy Sýbektilerge jazbasha ótinishti mynadaı qujattar: 1) paıdalanýshy sertıfıkatynyń; 2) azamattyq kemeni memlekettik tirkeý týraly kýáliktiń; 3) áýe kemeleriniń barlyq túrleri boıynsha ushý jaramdylyǵy sertıfıkattarynyń; 4) jarǵy; 5) zańdy tulǵany memlekettik tirkeý (qaıta tirkeý) týraly kýáliktiń* nemese anyqtamanyń kóshirmesin. Eskertpe: * «Qazaqstan Respýblıkasynyń keıbir zańnamalyq aktilerine zańdy tulǵalardy memlekettik tirkeý jáne fılıaldar men ókildikterdi eseptik tirkeý máseleleri boıynsha ózgerister men tolyqtyrýlar engizý týraly» 2012 jylǵy 24 jeltoqsandaǵy Qazaqstan Respýblıkasynyń Zańy qoldanysqa engizilgenge deıin berilgen zańdy tulǵany (fılıaldy, ókildikti) memlekettik (eseptik) tirkeý (qaıta tirkeý) týraly kýálik zańdy tulǵanyń qyzmeti toqtatylǵanǵa deıin jaramdy bolyp tabylady; 6) qosylǵan qun salyǵy boıynsha esepke qoıý týraly kýáliktiń; 7) Halyqaralyq azamattyq avıasııa uıymynyń (IKAO) úsh áriptik kod berilgeni týraly hatynyń kóshirmelerin qosa bere otyryp joldaıdy. 66. Osy Qaǵıdalardyń talaptaryn tutynýshylar men О́kilder saqtaǵan jaǵdaıda, aeronavıgasııa salasyndaǵy tabıǵı monopolııalar sýbektileriniń tutynýshylarǵa aeronavıgasııanyń rettelip kórsetiletin qyzmetterin kórsetýden bas tartýyna jol berilmeıdi. 67. Sheteldik áýe tasymaldaýshylary óz qyzmetin Qazaqstan Respýblıkasynyń aýmaǵynda Qazaqstan Respýblıkasynyń zańnamasyna jáne Qazaqstan Respýblıkasy qatysýshy bolyp tabylatyn halyqaralyq sharttarǵa sáıkes júzege asyrady. 16. Munaıdy jáne (nemese) munaı ónimderin magıstraldyq qubyrjoldary arqyly tasymaldaý salasyndaǵy rettelip kórsetiletin qyzmetterge (taýarlarǵa, jumystarǵa) teń qol jetkizýdi uıymdastyrý tártibi 68. Tutynýshylarǵa munaıdy jáne (nemese) munaı ónimderin magıstraldyq qubyrjoldary arqyly tasymaldaý salasyndaǵy rettelip kórsetiletin qyzmetter (taýarlar, jumystar) quzyretti organ bekitken munaıdy jetkizý kestesine sáıkes usynylady. 69. Magıstraldyq qubyrjolynyń bos qýaty bolmaýy saldarynan rettelip kórsetiletin qyzmetterdi kórsetýdiń tehnıkalyq múmkindigi shektelgen jaǵdaıda, rettelip kórsetiletin qyzmetterge birinshi kezekte qol jetkizý basymdyǵy: 1) munaıdy Qazaqstan Respýblıkasynyń munaı óńdeýshi zaýyttaryna jetkizýdi júzege asyratyn; 2) munaıdy tasymaldaý qyzmetterin usynýǵa jasalǵan shartqa sáıkes tasymaldaý úshin munaıdyń mindetti eń tómengi jyldyq kólemin usyný mindettemelerin alǵan; 3) aýmaǵynda tasymaldaý júzege asyrylatyn elderdegi munaı qubyry uıymdary belgileıtin sapa boıynsha tehnıkalyq talaptarǵa tasymaldanatyn munaıdyń qospasyn jáne (nemese) munaı ónimderin sáıkes keltirý múmkindigin beretin qajetti sapadaǵy munaıdy jáne (nemese) munaı ónimderin tasymaldaýǵa usynatyn; 4) jasalǵan sharttyń talaptaryna sáıkes jáne ınvestısııalar tolyq ótelgenge deıin magıstraldyq qubyrjoldarynyń nemese onyń jekelegen obektileriniń ótkizý qýatyn keńeıtýdi ınvestısııalaý úshin tartylǵan; 5) Qazaqstan Respýblıkasy Úkimetiniń sheshimderin jáne (nemese) Qazaqstan Respýblıkasynyń qatysýymen halyqaralyq kelisimderdi oryndaýdy qamtamasyz etetin; 6) óziniń munaıyn jáne (nemese) munaı ónimderin tasymaldaý úshin balamaly tehnıkalyq múmkindigi joq tutynýshyǵa beriledi. 70. Qaǵıdalardyń 68-tarmaǵynda kórsetilgen tutynýshylardy qospaǵanda, quzyretti organ tutynýshylar arasynda magıstraldyq qubyrjol­darynyń qýattaryn bólýdi tutynýshylar málimdegen munaı jáne (nemese) munaı ónimderin tasymaldaýdyń kólemderine qatysty tepe-teń negizinde júrgizedi. 17. Gazben jabdyqtaý jelilerine qosylýǵa tehnıkalyq sharttardy bergen kezde taýarlyq gazdy saqtaý, jalǵastyrýshy, magıstraldyq gaz qubyrlary jáne (nemese) gaz taratý júıeleri arqyly tasymaldaý, toptyq rezervýarlyq qondyrǵylardy paıdalaný, sondaı-aq shıki gazdy jalǵastyrýshy gaz qubyrlary arqyly tasymaldaý jónin